ⵎⵇⵇⴰⵔ ⴷ ⴰⴽⴽⵯ ⴰⴷ ⴱⴷⴷⴰ ⵏⵜⵜⴰⵔⴰ ⵙ ⵜⵓⵜⵍⴰⵢⵜ ⵏⵏⵖ ⵜⴰⵢⵎⵎⴰⵜ #ⵜⴰⵎⴰⵣⵉⵖⵜ ⵏⵏⴰ ⵏⵙⵙⵓⵎⵎ ⵙⴳ ⵜⵉⴱⴱⵉⵜ ⵏ ⵉⴷ ⵎⵎⴰⵜⵏⵖ, ⵎⴰⵛⴰ ⵜⴰⴷ ⵜⴳⴰ ⵖⴰⵔ ⵢⴰⵜ ⵜⵙⵏⵜⴰⵢⵜ ⵏⵏⴰ ⴷ ⴳⵔⴰⵏ ⴽⵔⴰ ⵏ #ⵉⵙⵓⴼⴰ ⵏⵏⴰ ⵢⵓⵙⵉⵏ ⴰⵏⵣⴳⵓⵎ ⴷ ⵓⵎⵏⵓⵙ ⵉ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵃⵎⴰ ⴰⴷ ⵜⵜ ⵏⵜⵜⴰⵏⵏⴰⵢ ⴳ ⵉⵎⴰⵙⵙⵏⵏ ⴰⴷ ⵏ ⵓⵎⵙⴰⵡⴰⴹ.
ⵜⴳ ⵏⵉⵜ ⵢⴰⵏ ⵓⵥⵎⵎⴰⵥⵥⵍ ⵖⵔ ⵙⴷⴰⵜ ⴼⴰⴷ ⴰⴷ ⵎⵎⴰⵖⵏ ⵉⵎⵖⵏⴰⵙⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵜⵎⴰⴳⵉⵜ ⵜⴰⵎⴰⵣⵉⵖⵜ ⴰⴷ ⵜⵜⴰⵔⴰⵏ ⵙ ⵜⵓⵜⵍⴰⵢⵜ ⵏⵏⵙⵏ ⵍⵍⵉⵖ ⵜⵜ ⵉⵏⵏ ⴽⴽⴰⵏ ⵎⵢⴰⵔⵏ ⵖⴰⵔ ⵜⵉⴷ ⴰ ⵙ ⵖⵔⴰⵏ ⴳ ⵜⵉⵏⵎⵍ ⵣⵓⵏ ⴷ ⵜⴰⵙⵔⵖⵉⵏⵜ ⴷ ⵜⴼⵕⴰⵏⵙⵉⵙⵜ ... ⴷ ⵜⵉⵢⵢⴰⴹ.
ⵉⴳ ⵏⵉⵜ ⴷⴰⵖ ⵓⵢⴰ ⵉⵊⵊ ⵏ ⵓⵙⵙⴰⴳⴳⵯ ⴼ ⵜⵣⵎⵎⴰⵔ ⵏ ⵜⵓⵜⵍⴰⵢⵜ ⴰ, ⵎⴰⵙ ⵜⵥⴹⴰⵕ ⴰⴷ ⵙⵉⵙ ⵏⴰⵔⴰ ⵖ ⴽⵔⴰⵢⴳⴰⵜ ⵉⴳⵔⴰⵏ ⵎⵇⵇⴰⵔ ⵓⴽⴰⵏ ⵙⵓⵍ ⵓⵔ ⵍⵍⵉⵏ ⵉⵎⴰⵡⴰⵍⵏ ⵖ ⴽⵔⴰ ⵏ ⵉⴳⵔⴰⵏ, ⵎⴰⵛⴰ ⴽⵓⴷⵏⵏⴰ ⵉⵙⵉⴳⴳⵍ ⵓⴼⴳⴰⵏ ⵔⴰⴷ ⵢⴰⴼ, ⵜⵓⵜⵍⴰⵢⵜ ⵏⵏⵖ ⵜⴽⵜⴰⵔ ⵜⴻⵜⵛⵓⵕ ⵙ ⴽⵉⴳⴰⵏ ⵏ ⵜⴳⵓⵔⵉⵡⵉⵏ ⵏⵏⴰ ⵓⵔ ⵜⴰ ⴰⴽⴽⵯ ⵙⵙⵏⵏ ⵇⵇⴰⵃ ⵏ ⵉⵎⴰⵣⵉⵖⵏ ⵏ ⵓⵎⴰⴹⴰⵍ ⴰ.
ⵎⴰⵢⴰⴷ ⵏ ⵜⵉⵔⵔⴰ ⵉⴳⴰ ⵖⴰⵔ ⵜⴰⵎⵢⵓⵔⵜ ⴷ ⵉⵎⵉⴽ ⵏ ⵜⵣⵎⵎⴰⵔ ⴷ ⵓⵥⵓⵥⴹ ⵉⵖ ⵍⵍⴰⵏ ⵔⴰⴷ ⴱⴷⴷⴰ ⵜⵜⴰⵔⴰⵜ ⵙ ⵜⵓⵜⵍⴰⵢⵜ ⵏⵏⴽ ⴽⵢⵢ ⴷ ⴽⵎⵎ ⴷ ⴽⵓⵏⵏⵉ ⴷ ⵏⴽⴽⵏⵉ ⵏⴳ ⴰⴽⴽⵯ ⴰⵎ ⵉⵖⵔⴼⴰⵏ ⵎⵇⵇⴰⵔ ⵏⴷⵔⵓⵙ ⵎⴰⵛⵛ ⵉⵇⵇⴰⵏ ⴷ ⴰⴷ ⵣⵡⴰⵔ ⵏⵙⵙⵏⵣ ⵡⵉⴷ ⵙ ⵉⵣⵡⴰⵔ ⵉⵍⵎⵎⴰ ⵀⴰ ⵏⵏ ⵜⵉⴼⴰⵡⵜ ⴰⵔ ⵜⵜⵎⴰⵜⵜⴰⵢ ⴰⵙⵙ ⴼ ⵡⴰⵙⵙ ⴰⵢⵢⵓⵔ ⵙ ⵡⴰⵢⵢⵓⵔ ⴰⵙⴳⴳⵯⴰⵙ ⵙ ⵓⵙⴳⴳⴰⵙ ⴰⵔ ⴽⵉⵖ ⵏⵍⴽⵎ ⵎⵉⵏ ⵏⵅⵙ.
ⵎⴰⴽⴰ ⵓⵢⴰ ⵀⴰⵜ ⴷⴰ ⴰⴽ ⴷ ⵉⵜⵜⴰⵙ ⵉⵎⵔⴰ ⴳ ⵜⵣⵡⴰⵔⴰ ⵎⵉⵏⵣⵉ ⵜⵓⵖⴰⵏⵖ ⵏⵎⵢⴰⵔ ⵉⵛⵜ ⵏ ⵜⵓⵜⵍⴰⵢⵜ ⴰⴷ ⴱⴷⴷⴰ ⵉⵙⵙ ⵏⵜⵜⴰⵔⴰ ⵎⴽ ⴷⵉⵙ ⵏⴱⴱⵉ ⴰⵔ ⵏⵜⵜⴰⴼⴰ ⵜⵓⴳⵜ ⵏ ⵉⵎⵅⵓⵎⴱⴰⵔ, ⵎⴰⵛⵛ ⴽⵉⵖ ⵉⵎⵎⴰⵖ ⵓⵎⴰⵔⴰ ⵉⴳ ⵏⵏ ⵉⵎⵉⴽ ⵏ ⵜⵓⴳⴳⴰⵙ ⵉⵥⴹⴰⵕ ⴰⴷ ⴷⴰⵔⵙ ⵉⴳ ⵓⵢⴰ ⴰⵎⵣⵓⵏ ⴰⵎⴰⵏ ⴰⵔ ⵙⴰⵡⴰⵍⵖ ⵏⴽⴽ ⴼ ⵜⵉⵔⵎⵉⵜ ⵉⵏⵓ ⴳ ⵢⵉⴳⵔ ⴰⴷ.
ⵎⴰⵛⴰ ⵏⵙⵙⵓⵜⵔ ⴰⴷ ⴷⴰⵄ ⵄⵇⴱⵏ ⴰⴹⵓⵏ ⴷ ⴰⵖⵓⵍⵏ ⴷ ⵉⵎⴰⵣⵉⵖⵏ ⵏⵏⴰ ⵜⵜ ⵉⵏⵏ ⵢⴰⴷⵍⵍⵉ ⵉⴽⴽⴰⵏ ⴰⵔ ⵜⵜⴰⵔⴰⵏ ⵙ ⵜⵓⵜⵍⴰⵢⵉⵏ ⵢⴰⴹⵏⵉⵏ ⴼⴰⴷ ⴰⴷ ⵜⵜⴰⵔⴰⵏ ⵙ ⵜⵓⵜⵍⴰⵢⵜ ⴰ ⴳ ⵡⴰⵢⵢⵓⵔ ⴰⴷ, ⵉⵍⵎⵎⴰ ⵥⵕⵏ ⵎⴰⵎⴽ ⴰⴷ ⵏⵏ ⵙⵉⵙⵏ ⵜⴳⴰ.
ⵀⴰ ⵏⵏ ⵜⴰⴱⵔⴰⵜ ⴰⴷ ⴼ ⵉⵎⴳⴳⵕⴰⴹ ⵏⵏⵓⵏ ⵎⵎⴰⵖⴰⵜ ⴰⴷ ⵏⵔⴰ ⴽⵔⴰ ⵏⴼⴽ ⵉⵎⵉⴽ ⵏ ⵜⵉⵣⵉ ⵉ ⵜⵓⵜⵍⵍⴰⵢⵜ ⵏⵏⵖ.
ⴰⵢⵢⵓⵣ ⵏⵏⵓⵏ
ⵜⵓⴷⵔⵜ ⵉ ⵜⵎⴰⵣⵉⵖⵜ
ⵜⴰⵎⴰⵣⵉⵖⵜ ⵉ ⵜⵓⴷⵔⵜ
ⴰⵎⵖⵏⴰⵙ ⵜⴰⵎⵖⵏⴰⵙⵜ
ⵜⵓⵜⵍⴰⵢⵜ ⵏⵏⴽ
ⴷⴰ ⴰⴽ ⵜⴰⵇⵇⵔⴰ
ⴰⵢⵢⵓⵔ ⴰⴷ ⴰⴷ ⵜⴰⵥⵓⵎⵜ ⵜⵉⵢⵢⴰⴹ
ⵜⵔⵔⵜ ⴰⵙ ⴷ ⵜⴰⵢⵏⵉⵜ ⴷ ⵓⵏⵏⵍⵉ ⵏⵏⴰ ⴰⴽ ⵉⵡⵉⵏⵜ ⵜⵉⵢⵢⴰⴹ
ⵉⵡⴰ ⵎⵕⵛⴰⵜ ⵜⵎⵎⵓⵎⵎⵉⵎ.
ⵜⴰⵔⵉⵇ ⵉⴷ ⵓⴼⵇⵇⵉⵔ
Aucun commentaire:
Enregistrer un commentaire